رُب فرج قريب
كل يوم لما بصحى اول ما افتح عنيا بيبقى عندي زي احساس كدة باليوم
يعني اليوم النهاردة هيبقى عامل ازاي ..كويس ولا هيبقى مش كويس
النهاردة مش عارفة اليوم ده ماله .. حاسة كدة انه من غير ملامح
يعني مش عارفة انا حاسة بأيه بالظبط بس حاسة احساس مش حلو
بدأت بحلم زي الزفت صحيت منه متنرفزة ومخنوقة وقولت مش نام تاني
قومت وقولت اعوذ بالله من الشيطان ومش هحطه في بالي مع انه كل شوية
ييجي على بالي وينرفزني .. طلعت بره الاوضة عشان اسمع خبرين اوحش
من بعض ..قولت استغفر الله العظيم..حطوا الاكل وقالوا يلا تعالي اتغدي
قعدت اكل لقيت ماليش نفس روحت قايمة وقولت اقوم افتح اللاب واقعد
عليه اتلخم في اي حاجة بدل الخنقة اللي انا فيها دي ..قومت فتحته وقعدت
عشان اشوف الصدمة التالتة واللي بقى جابت اخري كدة .. مش عارفة والله
ايه اللي بيحصلي ده .. انا قاعدة كدة مش عارفة استوعب ولا افكر وعمالة
اسأل نفسي " ليه بيحصل معايا كدة ؟" وكالعادة مفيش اجابة
بس هقول ايه .. مفيش غير اني اقول الحمد لله على اي حال
رُب فرج قريب
30 سبتمبر 2009 في 1:15 ص
فعلا الحمد لله الحمد لله
أكيد اختبار من ربنا عشان يشوف قوة إيمانك
و يشوفك هتعملي ايه
هتصبري ولا هتعترضي
ربنا معاك يا قمر يارب
30 سبتمبر 2009 في 11:25 م
ونعم بالله .. مرسي يا قمر ونورتي التوبيك